【意大利文化】學做意大利人系列－飲食篇

1. 當你唔再糾纏於吃什麼早餐，自然地走入一間bar，點一個 brioche （牛角包） 加一杯咖啡。

難度 ★★★★☆

*日日食同一個早餐，你估咁易嗎

早餐 ＠ Prada Marchesi Cafe 有關文章

早餐 ＠ Panini Durini 有關文章

又係佢，早餐 ＠ G. Cova (Via Cusani 10)，厭未？意大利的牛角包雖然很好吃，但被港式早餐寵壞的我，每朝只能吃同一樣的食物，是一項高難度挑戰。

2. 當你午餐唔再嫌棄又係食 panino 的時候（傳統意大利三文治）

難度 ★★★☆☆

*要乾啃一個有你塊面咁長的 panino，而且係乾到會𠝹損口嗰隻。有時聽到 panino 呢三個字都會好似講完粗口一樣打個冷震。

意大利三文治 panino，圖片來自 mangiarebuono.it

3. 當你可以自隊 （食完） 成個pizza

難度 ★★★★☆

*挑戰中，在意大利生活兩年多，現在只吃剩一塊

自家製 Pizza

Pizza 源自南部的拿坡里，皮邊要焗至起泡才算正宗

4. 當你知道／接受到用麵包點橄欖油和醋的吃法並不存在

難度 ★★★★☆

*這個簡直震驚全港七百萬人的真相，等於去到新加坡沒有星洲炒米一樣

好的麵包不用點油醋，牛油更是不會出現在意大利的餐桌上

5. 當你不再需要用英文餐牌

難度 ★★★★☆

*用意大利文點菜係型嘅，努力學好意大利文，就是等呢一日

6. 當你在餐廳唔再舉高手yap個侍應，而係耐心地等候，不管天荒地老

難度 ★★★☆☆

*如果加埋唔望錶，你的表現已經十分唔錯，難度加一粒星，但心入面無限爆粗是可以的

意大利常識：侍應未埋黎，唔好亂yap手。

是咁的：他們的習慣是先由侍應帶位→坐低放下餐牌→侍應走開一會→選好菜→侍應回來下單。

選好菜後就跟朋友聊聊天，侍應會注意到你們還未下單，如果沒有來，一般是在忙，這時便是考驗耐性的時候，不要隨便亂yap，否則給你黑臉一個，耐心地等候，旅行嘛，放鬆心情入鄉隨俗，享受一下意大利人慢活思維。反而有時還未選好菜，侍應就回來，可以禮貎地說再看數分鐘，也不要讓他站著然後你還亳無頭緒地看著餐牌（是不是太多學問😂）。

7. 當你唔再同人share一碟菜，自己大個仔清哂成碟意粉或扒（歐洲地區均適用）

難度 ★★★☆☆

*正宗意粉是少餸多粉，等同食一大碟白飯撈汁一樣

正宗卡邦尼意粉 👉 我的食譜

這也是體驗中西文化衝擊的時候，西方人的習慣是每人一份，所以點餐要注意，最少每人點一個意粉或主菜，可交換吃，但不要二人只點一份。

8. 當你吃完意粉，會自動自覺地用麵包擦乾淨隻碟再食埋D麵包

難度 ★☆☆☆☆

*係好食嘅

現在你知道為什麼麵包不沾油醋了，不過用來擦碟這動作只適宜在家中或普通餐廳。

9. 當飯後侍應過來收碟時，你會扮哂嘢咁點杯 espresso，甚至乎一杯 grappa

難度 ★★☆☆☆

*一開始覺得好奇怪，而家唔飲唔舒服，其實一切都是習慣而已

餐後一杯 espresso 或 macchiato 已漸漸地成為生活習慣

餐後酒 Grappa 是一款含35-60%酒精的蒸餾酒，源自意大利北部

10. 當你唔再掛住下午茶蜜汁雞翼西多士而跟朋友去aperitivo；亦已經忘記晚飯三餸一湯加白飯，而去點紅酒、前菜、主菜及甜品；更加唔會做埋D食消夜嘅瘋狂行為的時候 😭

難度 ★★★★★

Aperitivo @ Carlo e Camilla in Segheria 有關文章

測驗結果：

以上中0-3題：仲係小學雞階段，入鄉隨俗，要再放開身段豁出去，多留意我的 facebook 專頁 米蘭雜記 taste of milano 吧！（植入式廣告時間）

7題以下： 革命尚未成功，同志仍需努力。淨係 Liked 米蘭雜記唔夠架，仲要去專頁入面的 following 設定改為 see first 或 edit notifications settings 內選 all posts 接收所有新訊息
(我無咁勤力經常出post，一定少過你D朋友邀請玩game的通知，請放心😌 )

以上全中：我真係恭喜你呀！你已經是99%意大利人了，你除了識得欣賞獨特的意大利飲食文化，適應能力超強之外，睇得出你仲係一個注重外表，熱情奔放，見異思遷，隨波逐流的人。

下次再講下其他的意大利人生活習慣